الثلاثاء، 9 يوليو 2013

عمرة العالم | The World's Umra



عمرة العالم
شي اثلج صدري وبكاني
مسلسلمين اسلموا حديثا وك مكافئه ودوهم للعمره ليشوفوا بيت الله
سبحان الله
الله يثبتهم ويكونون خير المسلمين
والحمدالله على نعمه الاسلام والله انها اعظم نعمه اعطانا ياها الله
والمسيحين ووغيرهم اللي اسلموا حديثا يعرفوا هالشي عدل
لانهم عاشوا بدين لافيه اطمأنينه ولا روحانيه
كانوا عايشين بضياع وتايهين بالدين حقهم
لكن عرفوا انه دين الاسلام هو دين الحق
ينولدون عشان يصيرون مسلمين هالشي اللي قاله واحد من اللي اسلموا حديثاً
كل عام انشوف ناس تسلم اكثر واكثر الله يزيد ويثبتهم على الاسلام
والحمد الله على نعمه الاسلام الف شكر

رمضان بكرا احس بسعااااده كبيررهه
جو رمضان غييييير عن كل الاجواء احس اني مرتاحه ، فرحانه ، مطمئنه
ودي اروح العمره ف رمضان
الله يكتبلي عمره عاجلا ام اجلا

رمضان مبارك وعساكم من عواده 

الخميس، 4 يوليو 2013

سحبت على المدونه !! ويومي الجميل في سكي دبي

السلام عليكم

كأني سحبت على مدونتي!! اللي محدن درا عنها :D
امس اذكرتها وانا اتفرج على فيلم julie & julia
البنت اللي تسوي مدونه وتتحدى نفسها وتسوي 500 وصفه بسنه
بغيت اتهور واسوي نفسها لكن ماعندي ال 500 وصفه واحنا في عصر الرجيم :D
طيب اكتب في البلوجر عن ايش ؟ ؟  لاهوايتن عندي ولاشغله ولامشغله
كل اللي اسويه الاكل ثم الاكل ثم النوم ويخلص يومي بسرعه ويبلش اليوم الجديد واكل واكل ثم انام وهكذا
مرت السنوات والشهور والايام وانا ماحققت انجاز ولا تعلمت شي جديد في حياتي الجميله
لما افتتحت البلوجر حقي كانت همتي عاليه جدا جدا

 قررت كالاإتي
١. اني اضيف موضوع كل يومين
٢. يكون مجاله منوع
٣. احقق شهره واسعه بين اللبلوجرات
٤. مدري
وجاءت الاختبارات وعكرت صفو قرارتي ونجاحاتي
وامتحنت وخلصت وجاءت الاجازه الصيفيه المنتظره اللي غالبا ماكنت اكل واكل ثم انام وغالب الاحيان اطالع بعض الافلام اللطيفهه


واول امس يوم الثلاثاء
٢.يوليو .٢٠١٣
خرجت من طابع الاكل واكل ثم النوم
وقررت قضاء يومي الجميل بين الجبال الشاهقه والثلوج المتساقطه
رتبت شنطتي واحزمت متعتي وكانتتت وجهتتتي إلى
 SKI  DUBAI
الجبال الشاهقه والثلوج المتساقطه من نسج خيالي لمراعاه شعوري واحس اني صدق مسافره >، فيس يصيح
لكن بلادي الحبيبه دبي ماخلتها بخاطرنا جابت جبال الالب والثلوج كلها لعندنا وبروزت صور الجبال في كل انحاء المكان
وبدون تعب ولامشقه السفر والطريق >فيس فخوور

وهذا اليوم كنت حالفه ومصره اصرار اني ادخل
التزحلق على الجليد
ايه هذاك الشي
فيه زلاجتين مع عصايتين بس ماعطوني العصايتين
فسجلت في مدرسه اصول تعلم الزحلقه
فخذيت بقشتي من حذاء التزحلق والقفازات والجاكيت
ولبستهم
ومن لبست جزمه التزحلق وانا ماشفت الخير اببببد
رجولي اصبحت تتمايل هنا وهناك واصبحت كالبطريق الذي اول مرا يمشي
واول مراحل تعلم فنون التزحلق نسوي تمارين من نط وشد ولبس الزلاجات
الى اخره
بصراحه ماكنت مركزه من اي كلمه يقولها المدرب
كنت اتمنى ان اتخلص من هذي اللحظه الوخيمه اللي حطيت نفسي فيها
رجولي كانت متجمده ومتكسره ومتنمله من جزمه التزحلق اكرمكم الله
كانت راصه علي رصههه > الف فيس يصيح
ومن ثم جاءت اللحظه الحاسمه
التزحححلق من اعلى المنحدر الى اسفله
اللحظه اللي كانت بالنسبه لي حلم واصبحت بالحقيقه كابوس
المنحدر الصغير جدا جدا اللي تحطمت امالي منه > في منحدرات شاهقه وكبيره
بس لاننا مبتدأين خلونا نتزحلق في منحدر صغير
ناهيك ععن السقطات المتعدده والمريره والمتكرره
الى ان طفشت وانحبطت وسقطت امالي وقررت مغادره المكان لا رجوع له
فجاءني الاحباط الثاني لم اجد مكانا للخروج من هذا الجحيم
وشاءت الاقدار  ان ابقى واتزحلق على الجليد اكثر واكثر الى ان احببت الزحلقه
وانسى لآلآم رجلي المجمده
فجلست اتزحلق ثم اتزحلق الى ان انهد حيلي
واخيرن جاءت لحظه الافراج وانتهى الدرس الشاق وخرجت المكان ولي عوده له
لاني صراحه حبيت التزحلق على الجليد وقررت الاحتراف بهذه المجال والذهاب الى جبال الالب الحقيقي واتزحلق هناكك  مع المتحرفين
ومايستفاد من التزحلق
اخذ مقاس حذاء اكبر من مقاسي الطبيعي




وبعدها ذهبت الى الكوفي شوب الي هناك لاخذ قسط من الراحه والاسترخاء من بعد درس متعب
ومشاهده المتزحلقين هناك مع كوب من القهوه الساخنه


وانتهى يومي اخيرا